Ministri i Punëve të Jashtme të Serbisë, Ivica Daçiq, ka deklaruar sot se Serbia po ka presion për të arritur një marrëveshje me Kosovën gjatë këtij viti apo vitit të ardhshëm.
Daçiq ka vazhduar ta mbrojë idenë e tij se njohja e pavarësisë së Kosovës është një proces i kthyeshëm, duke përmendur sipas tij problemet Guinesë së Re e cila po përballet me një referendum për shkëputje të një pjese të territorit.

“Si mund të jetë i pakthyeshëm nëse ka vende që të tërheqë vendimin e njohjes? Një numër i madh i shteteve sot reflekton mbi vendimin për të njohur Kosovën. Shumë prej tyre kanë probleme të ngjashme, të tilla si Papua Guinea e Re, e cila ka një referendum për shkëputjen e një pjese të territorit të saj. Kur probleme të tilla të trokas në derën e tyre, duhet të mendojnë mirë për njohjen e Kosovës, “, tha ministri.

Sipas fjalëve të tij, vendet perëndimore që pranuan pavarësinë e Kosovës po mbronin politikat e tyre nga vitet 1990.

“Është e vështirë në qoftë se ata ndryshojnë qëndrimin ndaj Kosovës, ky është fund i logjikës së një politike të tillë që nga shpërbërja e Jugosllavisë mbi bombardimin e shpalljes së njëanshme të pavarësisë”, tha ai.

Më tej Daçiq paralajmëroj se shtet që e kanë njohur Kosovën mund të zbresin në më pak se 100.

“Kjo është vetë-mbrojtja e tyre, por tmerrësisht e bezdisshme që kërkojnë çdo vend për të tërhequr njohjen. Ata [Kosova] mendojnë se është e pamundur që numri i vendeve që e njohin Kosovën të bie nën 100, le të mendojnë kështu”,

Sipas fjalëve të tij, është e rëndësishme që Serbia të mbajë një numër vendesh që nuk e kanë njohur pavarësinë e Kosovës dhe kjo gjë sipas tij mund të arrihet duke i ruajtur marrëdhëniet me këto shtete.

“Kjo kërkon marrëdhënie të mira bilaterale me këto vende, vizita të shpeshta, interesa të përbashkëta. Ka shumë vende në të cilat ata mezi shkojnë dhe të cilat duhet t’i jepet më shumë vëmendje, të tilla si Azerbajxhani”, ka thënë Daciq.